Saturday 26 October 2013

വേലു

മുരുകന്റെ ആയുധം വേൽ. മുരുകന്റെ വാഹനം മയിൽ. ഈ മയിലിന് വേലു എന്ന് പേരിട്ട ആൾ സരസൻ തന്നെ. ചിത്രത്തിലെ മയിലിന്റെ കഥ ഇങ്ങിനെ: അവനും ഇണയും എതോ വീട്ടിൽ വളർത്തപ്പെടുകയായിരുന്നു. മുറ്റത്തേയ്ക്കിറങ്ങിയ ഇണ വാഹനമിടിച്ച് മരിച്ചു. പിന്നീടവൻ ആ വീട്ടിലേയ്ക്ക് പോയില്ല. ഭിക്ഷാംദേഹിയായി ആ പ്രദേശങ്ങളിൽ അലഞ്ഞുനടക്കുന്നു. ഭാര്യാസഹോദരപുത്രി ബാല്യത്തിലേയ്ക്ക് കടക്കുംമ്പോഴാണ് അവനും ആ വീട്ടിൽ ആഹാരത്തിനായി എത്തിതുടങ്ങിയത്. അവളവന് ആഹാരം കൊടുത്തു, അവനുമായി കളിച്ചു... ആ വീട്ടുമുറ്റത്തെ ഒരു വലിയ മാവിന്റെ ഉയരത്തെ കൊമ്പിൽ അവൻ അന്തികളിൽ കൂടണഞ്ഞു.

പിന്നീട് അച്ഛന്റെ ജോലിസംബന്ധമായി പെണ്‍കുട്ടി ആ വീട്ടിൽ നിന്നും പോയി. വർഷങ്ങൾ എത്രയോ കഴിഞ്ഞു. അവളുടെ രൂപവും ഭാവം മാറി. എങ്കിലും ഇന്നുമവൾ അവധിക്കുവരുമ്പോൾ, അവളുടെ കയ്യിൽ നിന്നുമാത്രം അവൻ അരിമണികൾ കൊത്തിപ്പെറുക്കും, അവൾ പറഞ്ഞാൽ മാത്രം പീലികൾ വിടർത്തും...

പ്രകൃതിയുടെ വിലോലഭാവങ്ങൾ എത്ര ആശ്ച്ചര്യകരം...!


00

2 comments:

  1. വിശദീകരിയ്ക്കാനാവാത്ത ഹൃദയബന്ധങ്ങള്‍

    ReplyDelete
    Replies
    1. സന്ദർശനത്തിന് നന്ദി അജിത്‌...!

      Delete